Kabhi yaad aao tu es tarha…

Kabhie yaad aao tu es tarha,

ke lahoo ki sari tamazatein,

tumhai dhoop dhoop samet lein,

tumhai rang rang nikhar dein,

tumhai harf harf mai soch lein,

tumhai dekhne ka jo shoq ho,

tu dyar-e-hijr ki tairgi,

koh-e-mazda ki nok se noch lein

Kabhie yaad aao khuch es tarha,

ke dil o nazar mai utar sako,

kabhie khil sako shab-e-wasl mai,

kabhie khoon-e-dil mai sanwar sako,

sar-e-rah guzarte jo milo kabhie,

na phir sako na guzar sako

mere dard phir se ghazal bane,

kabhie gungunao tu es tarha..

mere zakhm phir gulaab hon,

kabhie muskurao tu es tarha,

meri dharkanein bhi laraz uthein…

Mumkin nahi…

Hai mast-e-mash’hood tu bhi, mai bhi

Hain mudda-e-noumood tu bhi, mai bhi

Ya tu he nahi jahan mein, ya mai he nahi

Mumkin nahi do wajood, tu bhi mai bhi

Bhale Dino ki Baat hai…

Bhale Dino Ki Baat Hai
Bhali Si Ek Shaql Thi
Na Ye Ke Husn-e-Taam Ho
Na Dekhne Mai Aam Si

Na Ye Ke Wo Chale Tu Kehkashaan Si Rahguzar Lage
Magar Wo Sath Ho tu Phir Bhala Bhala Safar Lage

Koi Bhi Rutt Ho, Uski Chabb
Fiza Ka Rang Roop Thi
Wo Garmiyon Ki Chaon Thi
Wo Sardiyon Ki Dhoop Thi

Na Mudatton Judaa Rahe
Na Saath Subah-o-Shaam Ho
Na Rishta-e-Wafa Pe Zid
Na Ye Ke Ez-e-Aam Ho

Na Esi Khush-Libasiyaan
Ke Saadgi Gila Kare
Na Itni Be-taqalufi
Ke Aayena Haya Kare

Na Ekhtelaat Mai Wo Rum
Ke Bad-maza Hon Khuwahishein
Na Es Qadar Supurdagi
Ke Zich Karein Nawazishein

Na Aashiqi Junoon Ki
Ke Zindagi Azaab Ho
Na Es qadar Kathor pun
Ke Dosti Khrab Ho

Kabhie Tu Baat Bhi Khafi
Kabhie Sakoot Bhi Sukhan
Kabhie Tu Kisht-e-Zaafraan
Kabhie Udaasiyon Ka Bann

Suna Hai Ek Umer Hai
Mamlaat-e-dil Ki Bhi
Wisaal-e- Jaanfiza tu Kya
Firaq-e-Jaan gusal ki bhi
So, Ek Roz Kya Hua
Wafa Pe Behes Chid Gayi
Mai Ishq Ko Amr Kahoon
Wo Meri Zid Se Chidd Gayi

Mai Ishq Ka Aseer Tha
Wo ishq Ko Qafas Kahe
Ke Umer Bhar Ke Sath Ko
Wo Bad-tar Az Hiwas kahe

Shajr-e- Hijr Nahi Ke Hum
Hamesh Pa Ba Gul-e- Raahein
Na Dhor Hain Ke Rasiyaan
Gale Main Mustaqil Rahein
Mohabbaton ki Wus’atein
Hamare Dast o pa Mai Hain
Bas Ek Dar Se Hain Nisbatein
Sagaan-e- Bawafa Mai Hain

Main Koi Tasveer Nahi
Ke Ek frame Main Rahoon
Wohi Jo Mann Ka Meet Ho
Usi Ke Prem Mai Rahoon

“Tumhari Soch Jo Bhi Ho
Mai Es Mizaaj Ki Nahi
Mujhe Wafa Se Ber Hai
Ye Baat Aj Ki Nahi”

Na Usko Mujhe Pe Maan Tha
Na Mujhe ko Uspe Zu’am Tha
Jo Ehad he Koi Na Ho
Tu Kya Gham-e- Shikastagi

So Apna Apna Raasta
Hansi Khushi Badal Diya
Wo Apni Rah Chal Padi
Mai Apni Rah Chal Diya

Bhali Si Ek Shaqal Thi
Bhali Si Uski Dosti
Ab Uski Yaad Raat Din Nahi,
Magar Kabhi Kabhi…..

Shayarana si hai Zindagi ki Fiza…

“Koi mausam ho, dil mein hai tumhari yaad ka mausam

Yeh badla hi nahi jaana, tumhare baad ka mausam.

Nahi tu aazma kar dekh lo kese badalta hai

Tumhare muskurane se dil-e-naashad ka mausam.

Kahin se us haseen aawaz ki khushboo pukaregi,

Tu uske saath badlega dil-e-barbaad ka mausam.”